News__ Music__ Biografie__ Discografie__ Fotogalerie__ Booking__ Kontakt

hallo
hallo, hallo
bisch itz ändlech choo
hallo, hallo
bisch itz ändlech zuen'is choo

du chlyses mönschli du
mit händli u fingerli u nägeli draa
büchli u beinli u füessli draa
d'r bea ihre buch isch g'wachse
bis du ändlech zuen'is bisch cho
u mir hei g'wartet u g'wartet u g'wartet...

hallo, hallo
u itz bisch du zuen'is choo
hallo, hallo
bisch du itze zuen'is choo

mir hein'is g'fragt, wie du äch uusg'sehsch
ob du ganz bisch u aues drann hesch
mir hei angscht g'ha, mängisch chly
aber hei g'wüsst, der lieb gott isch sicher derby
mir hein'is g'freut und hei vertroue g'ha
u wünsche, dass du es läbe voll vo glück wirsch ha
u itz bisch du da, u luegsch üs aa...

hallo, hallo
itz bisch du zuen'is choo
hallo, hallo
bisch itz ändlech zuen'is choo

hallo, hallo
itz bisch du da u luegsch üs aa
hallo, hallo
mit däm weise blick vo dert u lachsch üs aa

hallo, hallo
als wüsstisch du no viel meh
hallo, hallo
als mir hie jemals wärde gseh....



[top]